එකස්පසව සිනාමුසුව බලන්න. කුමන වේදනාවක් හිත ඇතුලේ තිබුණත් එළියට නොදමන්න. විප්ලවය ගැන පමණක් සිතන්න. ආත්මය කුමනා කාරයෙන් හෝ යුක්තිය ඉල්ලා සිටියද ඔබ එකත් පසව සිටින්න. ඉන් ඔබ කරදරවලින් තොර කරනු ඇත. රාත්රිය ගොරහැඩි බව සැබෑව නුඹේ දෙනෙත් නින්ද ප්රතික්ෂේප කරමින් හදවතේ ඉරුණු තැන්වලින් ගලන රුධිර නොයෙක්වර වේදනා පුදින්නට ඉඩහරිණු ඇත. ඔබ නොනිදා සිටින්න නමුත් තිබෙන වැඩ රාත්රියේම නිම කරන්න. එවිට නිදිවර්ජිත දෙනෙක් හදවතේ ඉරුණු තැන් මෙනෙහි නොකරනු ඇත. එසේම ඔබ තව තව වැඩ කිරීඉමෙන් විප්ලවය තවත් ලන්වනවා නොවනුමානය. වෙහෙස අකීකරු දෙනෙත් වසන්නට දෙපාරක් නොසිතනු ඇත. ඔබ නිදන්න. ඔබට කිසිත් නොදෙනෙනු ඇත. මරණය වැලදගත්තෙකුමෙන් නිදන්න. මිහිරි සංගීතය හෝ කිසිවෙක් ගේ විලාප ඔබට නොඇසෙනු ඇත.
ඔබ අවදිවන්නේ කීයටද ඔබ අවදිවන්න. එය ඔබට මරණයේ වේදනාව සිහි ගන්වනු ඇත. කකුල් අත් හිරිවැටි කිසිවක් නොදැනෙන තරමට ඔබට ඕනෑවෙලාවක් සිටින්නට හැකිය. එහෙත් අතපය සෙලවීමෙන් ඔබ දරුණු වේදනාවකට ඇද දමනු ඇත. ඇගිලි ඇඹරිගොස් වේදනාව තිවුර කරනු ඇත. එහෙත් ඔබ කෑ ගැසීමෙන් වලකින්න. අතපය පැමිණෙන වේදනාව උණුවතුරෙන් පිළිස්සෙන වේදනාවට වඩා දරුණුමුත් ඔබ කෙදිගෑමෙන් වැලකි සිනාමුසුව සිටින්න. ඔබ වැඩ කළේ විප්ලවය උදේසානම් ඔබේ වේදනාව විප්ලවය උදෙසා ආයෝජනයකි.ඉන් ඔබ සතුටු වන්න.
අමාරුව වේදනාව පසෙකලා ඔබ කෙසේ හෝ නැගි සිටින්න මොකද ඔබට තව වැඩගොඩාක් කිරීමට තිබේ. උදේ ආහාර කුමක් උවද එය අවශ්ය වුවද එසේ ආහාරයක් නොමැති වුවද ඔබ වැඩ ආරම්භ කරන්න. ආහාරයක් තිබුණද එහි මිහිර නුඹට අදාළ නැත. ආහාරයේ වැදගත්කම තිබෙන්නේ එය කෙසේ හෝ බඩට දමාගැනීමේ උවමානාව මතය. ඒ විප්ලවය සදහාය. නුඹට පෝෂදායි ආහාර නොලැබෙන බව සැබෑය. ඒවා නුඹට අවශ්ය ද නැත. අවශ්ය වන්නේ විප්ලවය වෙනුවෙන් වැඩකිරීමට ජීවත් වීමය. එමනිසා ඔබ වැඩ කටයුතු අරඹන්න. එසේම අමතක නොකර එකත්පසව සිටින්න.
මේ ජීවිතය වසර පහක් හයක් ගෙවා දැමිමෙන් පසු ඔබ නාකි හම්පඩයෙකු සේ ලොවට දිස්වෙනු ඇත. එහෙත් ඔබ එම කාලය ගෙවා දැමුවේ විප්ලවය වෙනුවෙන් බව මතක්කර එහි මිහිර විදින්න. ඔබ කළ කී දෑ අනෙක් අයට කීමෙන් ඔබට ලැබෙන සතුට ඔබම විදගන්න. දැන් ඔබ රෝගියෙකි. ඔබට කලින් මෙන් වැඩ කිරීමට නොහැකිය. ඔබ වේදනාවේ රජ දහනේ වහලෙකි. ඔබ වේදනාව විදීම හා එය තළු මරමින් නැවත නැවත විදීම නුඹට විප්ලවය වෙනුවෙන් පැවරුණු නවතම රාජ්ජකාරිය වේ. වේදනාව සමග නැගී සිටීම නුඹේ රාජකාරියකි. මොකද විප්ලවයට නුඹ ආලය කරන්නේනම් ඊට නුඹ නැගීසිට වැඩකළ යුතුය. ඊට නිවාඩු නැත. ඇත්තටම විප්ලවය වෙනුවෙන් වැඩකරන්නවුනට අසනීම නිවාඩු නැත. ඉතිං නුඹ වැඩ කරන්න. බැරිනම් නුඹට එකත්පසව සිටින්නට බැරිය. එමනිසා නුඹ වැඩකළ යුතුය.
නුමට මුක්තිය නැතිබව දනිමු. එසේම නුඹට යුක්තියද නැත. නඹ වැඩ කළේ විප්ලවයටය. එය තවම ප්රමාද වුයේ නුඹේ මන්ද උත්සහය නිසාය. අනික නුඹට යුක්තිය දෙන්නේ විප්ලවයයි විප්ලවය ප්රමාදනිසා නුඹේ යුක්තිය ද ප්රමාදය. එමනිසා තෝ දැන් තොගෙ කසඩ ජීවිතය කිසිවෙක්ට වදයක් නොවන ලෙස විසිකර දමන්න. අනෙකුන්ට විප්ලවය කිරීමට ඉඩදෙන්න. බාදා කිරීමෙන් වලකින්න. අඩුම තරමීන් තොගේ ඔය අවලස්සන අසික්කිත මුහුණ විප්ලවය වෙනුවෙන් වෙහෙසෙන්නන්ට නොපෙන්වා සිටින්න. තොගේ තොරතෝංචියක් වූ විලාප සමග වේදිකාව ලගින් ඈතට යන්න. අමතක නොකරන්න. දැන් නුඹ රෝගියෙකු මිස විප්ලවවාදියෙකු නොවන වග. විප්ලවවාදි තෝ වගේ නොවේය. ඔහු අයෝමය සද්දන්තයෙකි. වැටෙන වැටෙන පාරක් ගානේ විප්ලවවාදියා නැගි සිටින්නේය. තෝ මර ලතෝනියකි. ඇවිදගන්නට බැරි මර ලතෝනියකි. තෝ අපට ලැජ්ජා කරන්නෙකි. එමනිසා තෝ කොතරම් එකත්පසව සිටගත්තද තෝ පන්නා දමමි. එසේම තෝ දැනගන් එය සිදු කරන්නේ විලවයේ නාමයෙන් බව, තෝ දැනගන්...............
