පෙසපට මර්දනය අනිවාර්ය වුවද ජවිපෙට එසේම නැත. සරලව කීවෝත් පෙසපට මර්දනය හමා එන ප්රමාණය හා එහි වේගයෙන් ජවිපෙට මර්දනය නොපැමිණෙනු ඇත. නමුත් මර්දනය වීමට නියමිත ව්යාපාර තවත් යම් බලවේග එකතුකර ගැනිම හරහා එම මර්දනයට එරෙහි විරෝධය ජනගත කිරීම පහසු වනු ඇත. එනම් මර්දනය හුදු කුඩා පක්ෂයක් වටා පමණක් බ්රමණය කිරීමෙන් පමණක් නොනවතින බව ආණ්ඩුවට නව ඉගියක් මෙයින් ප්රකාශකර තිබේ. පෙසපට මර්දනය එල්ළ කිරිමට සිතන ආණ්ඩුව එහි පරාශය තවත් පුළුල්වන නිසා ඍජු මර්දනයට එහා ගිය නව උපාය උපක්රම ඒ සදහා යෙදවිමට ආණ්ඩුවට සිදුවනු ඇත.
ජාතික ජන බලවේගය මැතිවරණ ක්රියාවලියට පමණක් සීමා නොවි මෙවැනි ක්රියාවලියකට ගොනු කිරීමට වෙහෙසිම හෙට දවසේ සටන්කාමින් ලබන ජයකි. එය වර්දනය වන්නේ නම් වාම කතිකාව යම් ආකාරයකින් තවත් ශක්තිමත් වීමට ඇති ඉඩ පුළුල් විමකි. එහෙත් එය ජවිපේ මත තීරණය වේ. මොකද ජවිපේ ජාතික ජන බලවේගය නිර්මාණය කර තිබෙන්නේ තම මැතිවරණ ක්රියාවලියට පමණක්නම් ඉන් වමට ඇති පලක් නැත. නමුත් අද දින පෙසපට පහරදීමට එරෙහිව ජවිපේ මහින්ද ජයසිංහ හරහා විරෝධය දැක්වීම මගින් පෙනෙන එක් කරුණක් ඇත. ජවිපෙට ජාතික ජන බලවේගය යොදාගෙන මැතිවරණය පමණක්ම කිරීමේ අසීරුතාවයයි. මේ මොහොතේ ජාතික ජන බලවේගය නොපැමුණත් ඉන් ජවිපෙට තිබෙන බලපෑම මහින්ද ජයසිංහ යෙදවීම හරහා තේරුම් ගත හැකිය. ජවිපෙට මේ මොහොත මගහැරයාමට මහින්ද ජයසිංහ යෝදාගන්නේද එම බලපෑම නිසාය. ජවිපෙ ජාතික ජන බලවේගය නිසාම මෙම වේදිකාවෙන් පලායාමට අවශ්ය වුවද එසේ කිරීමද අපහසුය. එසේ උවහෝත් ජවිපේ ඒ හරහා නෙලා ගැනීමට සිතන අස්වැන්න හා ජවිපේ ඉදිරි දේශපාලනයට තීරණාත්මක බලපෑමක් සිදුවනු ඇත.
මේම නිසා පෙසප වුව ජාතික ජන බලවේගය සමග කරන ගනුදෙනු පුළුල් කිරීමට සිතනවානම් ඉන් ජවිපේට තවදුරටත් මැතිවරණ වේදීකාවෙන් ඔබ්බට වු ක්රියාවලියකට අකමැත්තෙන් හෝ පැමිණීමට සිදුවනු ඇත. එය ප්රගතිශිලී ජන සාමුහිකය අරගල පුළුල් විමකි. ජනසහබාගිත්ව අරගල එකට ගොනු කිරීමකි. ඊට ඇති ඉඩ ඉතා සීමිත බව සැබෑය නමුත් හෙට දවසේ වඩා සටන්කාමි පෙරමුණක් නිර්මාණය කිරීමට වැඩි ඉඩක් තිබෙන ස්තානයක් ලෙස ජාතික ජන බලවේගය ඉදිරියෙන්ම තිබේ. ඇත්තෙන්ම මෙම බලවේගය සමග වාම වාදින් කරන දේශපාලන මැදිහත්වීම මත එය කුමන දිසාවකට ගමන් කරනු ඇද්ද යන්න තීරණය වනු ඇත. එමනිසා දේශපාලනික පිටියට පුළුල් වාම බහුජන ව්යාපාරයක් ගොඩනැගීමට තිබෙන මෙම ඉඩ භාවිතා කිරීමට උත්සහ කළ යුතුය.
