ඉතාම කෙටිකාලයකදී ලෝකයම කණපිට ගැසී ඇත. සියලු සාමාන්ය ක්රියාකාරිත්වයන් නැවතී ඇත. මේ වනවිට ඇමරිකාවේ පමණක් මිලියන 17 ට අදික කම්කරුවන් ප්රමාණයකට රැකියා ඇහිමි ඇත. බොහෝ නිෂ්පාදනය නවතා දමා කර්මාන්ත ශාලා වසා ඇත. එම කර්මාන්ත වලින් කොපමණ ප්රමාණයක් නැවත තම නිෂ්පාදන ක්රියාවලිය ආර්ම්භ කළ හැකිදැයි නොදනි. නමුත් බොහෝ කර්මාන්ත ශාල හිමි ධනපතියන් උතතර eනොමැතිව නිරුක්තර වනු ඒකාන්තය. ලෝකයේ ගුවන්ගමන් සිදුවන්නේ අල්ප වශයෙනි. එයින් පෙනෙන්නේ ගුවන් සේවා ආයතන කඩා වැටීමට නියමිත බවය. පරිභෝජනවාදි ජිවන රටාවකට හුරුකළ මිනිසුන් අද භිතියෙන් නිවෙස්වලට හෝ තම ආහාරය සෝයා යමින් තිබේ. මෙම තත්ත්වය පහව යෑමට අඩුම තරමින් තව වසරක් හෝ ගතවනු ඇත. එතෙක් යම් රටක් කෝරෝනා වෛරසය පරාජය කළත් නැවත සිටි තැනට ඒමට නොහැකිය. අගුලු දැමු රටවල් විවෘත කළත් ඒවා සම්පුර්ණයෙන්ම විවෘත නොවනු ඇත. එය බොහෝ කාලයක් පවතිනු ඇත. රටවල් වෙන්වෙන්ව මේ අභියෝගයට මුහුණ දෙද්දී එම රටවල ජනතාව තමන්ගේ ජීවිතය රැක ගැනීමට අරගල කරනු ඇත.
ලෝකය සාමාන්ය පරිදි ගොඩනැගෙන්නටනම් මිනිසුන් නැවත රැකියා වලට යා යුතුය. ඉන් ලැබෙන් වැටුපෙන් භාණ්ඩ මිලදිගත යුතුය. එහෙත් ගුවන් සේවා සමාගම්, සංචාරක කර්මාන්තයට අදාළ හෝටල් හා ක්රිඩා තරග මත දිවෙන ආර්ථිකය බිද වැටෙනු ඇත. එය නැවත වැටී තිබෙන කොටස් වෙළදපොළ තවතවත් අකර්මණ්ය කරනු ඇත.ලෝක ආර්ථිකයේ දෛනිකව හුවමාරු වු ඩොලර් බිලියන ගණන් මුදල් තවදුරටත් සංසරණය නොවනු ඇත. මෙහි අදහස එය ඍජු ලෙස මුල්ය ආර්ථිකය දෙපළුකොට දමන බවයි. ඒ සමගම නිශ්පාදන ආර්ථිකය තවදුරටත් හැකිලී යනු ඇත. ඊට අනීවාර්ය ලෙස රාජ්ය මැදිහත්විය යුතුය. එසේ මැදිහත් වුවත් ඒවා කලින් පැවති තත්ත්වයට නොපැමිණෙනු ඇත. තවදුරටත් විරැකියාව වර්ධනය වී සමාජය දෙදුරුම්කනු ඇත.
මේ තත්ත්වය තුල ලංකාවේ ආර්ථිකයට ද එම ඉරණම අත්වෙනු ඇත. පළමුව සංචාරක කර්මාන්තය ආශ්රිතව ලැබුණු විදේශ විනිමය තවදුරටත් නොලැබෙනු ඇත. ඒ ආශ්රිතව රැකියා කළ බොහෝ අය වද වේදනාවට ලක්වීම වැලැක්විය නොහැක. දැනටමත් ප්රධාන හොටෙල් ව්යාපාර කිහිපයක කම්කරුවන් ගේ වැටුප් 50%න් ලප්පාදුකොට ඇත. ඒ සමගම ඇගළුම් කාර්මාතය සැලකිය යුතු අගයකින් බිද වැටීමට ලක්විය හැකිය. මෙයට හේතුව වන්නේ ලෝකය පෙර පරිදි නොවන අවිනිශ්චිතාවය හේතුවෙන් භාණ්ඩ විකිණීමට ගතවන කාලය වැඩි විමයි. එහි අදහස ලෝකයේ ජනයා පරිබෝජනය කරන රටාව සැලකිය යුතු ලෙස වෙනස් වී එය මන්දගාමි වීමය. මෙම තත්ත්වය තුල ඇගළුම් කර්මාන්තය මේ ආකාරයෙන් පැවතියෝත් එය අධි නිශ්පාදනයෙන් පාඩු ලබනු ඇත. එම නිසා නිශ්පාදනයේ වේගය ඉතා පහළ අගයක් ගනු ඇත. එහි අදහස වන්නේ බොහෝ කර්මාන්ත වැසීයාමට ඉඩ ඇති බවත් ඉතිරිවන කර්මාන්ත ශාලා වලද බොහෝ කම්කරුවන්ට රැකියා අහිමිවීමට ඉඩ ඇති බවය. එසේම අපනයන බෝග ලෙස පවතින තේ,කුරුදු හා කුළු බඩු වලටද මෙම ඉරණම අත්වෙනු ඇත. මෙම කඩා වැටිම සමග ලංකාවේ අනෙකුත් නිෂ්පාදන හා සේවාවන් ද පසු බෑමකට ලක්වනු ඇත.
මේ අනුව කොරෝනා ව්යසනයෙන් පසු අපට තවත් ව්යසනයකට මුහුණ දීමට සිදුවනු ඇත. ආණ්ඩුව ඊට දැන්තියා ලක ලෑස්ති වෙමින් තිබේ. මුහුණු පොත හරහා මේ පිළිබදව මතවාදයක් නිර්මාණය කරමින් තිබේ. රටේ ඉදිරි කටයුතු සදහා පාර්ලිමේන්තුව වෙනුවට ජනාධිපති වරහා, රාජ්ය සේවය හා හමුදාව සිටිම ප්රමාණවත් බවට වන ප්රචාරයන් දියත්කොට තිබේ. සමහරු ඊට අදාළ මතවාද නිරන්තරයෙන් පල කරයි. ඒ සමගම ජනතාව ඒවා ගිජුව වැලද ගනිමින් හුවමාරු කරයි. හැබැයි කිසිවෙක් මෙහි අදහස හෝ ආණ්ඩුවේ අවශ්යතාව පිළිබදව නොසිතයි. එය ආණ්ඩුවේ ඉදිරි අවශ්යතාවයකි. එනම් ආර්ථික අර්බුදයෙන් මිදීමට අවශ්ය මර්දන යාන්ත්රනය සදහා වන ජනතාවගේ මානසිකත්වය නිර්මාණය කිරීමයි. මේ සමගම නැවත දේශිය බෝග වගාව හා පුරන්කුඹුරු අස්වැද්දීමේ මෙහෙයුමක්ද දියත්වෙමින් තිබේ. ඒ ලග එන ආහාර හිගයට පිළියමක් ලෙස ප්රකාශ කරමින්ය. එම වැඩසටහන ක්රියාත්මක වන්නේ ලග එන ආහර හිගයට පමණක් නොව ඉදිරියේදි විරැකියාවට ගොදුරුවන්නන්ට විකල්පයක් හදුන්වාදීම සදහාය. එය වීරත්වයෙන් ඔසවාතබන්නේ එහෙයිනි. මේ සමගම අනීවර්යෙන් වතු කම්කරුවන් අසරණ භවයෙන් තවත් පහළට වැටෙනු ඇත. ඊට කිසිවෙක් ගේ මැදිහත් වීමද අපේක්ෂා කළ නොහැකි. නමුත් ආණ්ඩුව මේ සියල්ල ගැන සලකා අර්ථ සාධක අරමුදල නිදහස් කිරීමට කටයුතු කරමින් සිටියි. රැකියා අහිමිවන කම්කරුවන්ට ඉන් යම් කාලයක් තම ජීවිතය ගැටගහ ගත හැකිය. ඒ සමගම කඩාවැටීමට නියමිත කර්මාන්ත ශාලා හිමි ධනපතියන්ට බදු සහන හිමිවනු ඇත. නමුත් ඔවුන්ට බොහෝ කාලයක් යනතෙක් නව රැකියා උත්පාදනය කිරීමට හෝ වැඩි නිශ්පාදනයක් අත්පත්කොට ගත නොහැක. එම නිසා මෙම අර්බුද ලංකාවේ මෙන්ම ලෝක මට්ටමින් චක්රීය ලෙස ඉදිරියට ඇදෙනු ඇත.
