මාතලං මාතලේ දිස්ත්රික්කයේ කඹරව ග්රාමයේ උපන්නේය. ඔහු නමින් ජානක බණ්ඩාර ඒකනායකය. පියා නීල් ඒකනායක, මව හේරත් මැණිකේය. ඔහු මුලික අධ්යාපන කටයුතු ආරම්භ කළේ ගමේ පාසල වු කඹරව ප්රාථමික විද්යාලයෙනි. මාතලං 4 වන ශ්රෙණියේන් පසු අලගමුව මහා විද්යාලයට ගියේය. ඔහු සාමාන්ය පෙළ විභාගයෙන් සමත් වු පසු උසස් පෙළ හැදෑරීමට මාතලේ සෙන් තෝමස් විද්යාලයට පිවිසියේය. ඔහු කලා අංශයෙන් උසස් පෙළ හැදෑරු අතර ඉන් සමත්ව කැලණිය විශ්ව විද්යාලයේ සමාජ විද්යාපීඨයට ප්රවේෂ විය. ඔහුගේ පාසල් ජිවිතයේදි ද දේශපාලනය සම්බන්දව සක්රියව සිටියේය. විශ්වවිද්යාල ප්රවේශයත් සමග ඔහුගේ දේශපාලන ක්රියාකාරිත්වය වඩා වර්ධනීය ස්ථානයකට පැමිණියේය.
ඔහු ජනතා විමුක්ති පෙරමුණේ සාමාජිකයෙකි. එසේම ඔහු ශිෂ්ය ව්යාපාරයේ ක්රියාදරයෙකි. ඔහුට තිබු සුවිශේෂ ලක්ෂණය වුයේ තමන් විස්වාස කරන මතවාදයට එරෙහි කිසිදු කොන්දේසියකට එකග නොවීමය. ඒ නිසාම ඔහු පෙනුමෙන් අහිංසකයෙක් වුවද ක්රියාවෙන් මහා හිතුවක්කාරයෙකි. තර්කයට ප්රතිතර්ක ගොඩනැගීමේ වේගය නිසාම ඔහු සමග සිටි සැවෝම වේගයෙන් ඔහුගෙන් බොහෝ දේ ග්රහනය කරගත්තේය. සමහරු භියේ පැන දුවන්නට විය. 2007 මාර්තු එවකට සිටි සමජවාදි ශිෂ්ය සංගමය පැවැත්වු ප්රසිද්ධ සාකච්ඡාවක් විය. මෙය සාකච්ඡාව කැලණිය විශ්වවිද්යාලයේ භික්ෂු විවේකාගාරයේ සංවිධානය කොට තිබිණි. එහිදි ජාත්යන්තර දේශපාලනය ගැන සාකච්ඡා කිරීමට ප්රියන්ත වර්ණකුලසූරිය සහෝදරයා සහභාගි විය. පැමිණ සිටි පිරිස අතර මාතලං ද විය. ඔහු තමන්ගේ ප්රථම වසර පවා ගේවාදමා නොතිබු නමුත් සාකච්ඡාවට අවතිර්ණ වුයේ ජාත්යන්තර දේශපාලනය ගැන අනෙක් සහෝදරවරු නොදත් බොහෝ කරුණු එකතු කරමින් ය. ඔහුට ලෝකයේ බොහෝ රටවල් ගැන අවබෝයක් තිබුණි. එවායේ ඉතිහාසය මෙන්ම වර්තමාන පාලනය පිළිබඳව හේ කරුණු දැක්වුවේය. එය ඔහුගේ හැකියාව මෙන්ම දේශපාලන දැක්මේ නිරවුල් භාවය හොදින් ප්රදර්ශනය කළේය.
ඔහු ටික කළකින් තමන්ගේ batch එකේ සභාපතිවරයා විය. එසේම ඔහු ශිෂ්ය ව්යාපාරයේ ද විශාල වැඩකොටසක් පවරාගෙන ක්රියාකළේය. ඔහුගේ කැපකිරීම පුදුම සහගතය. සෑම වැඩක්ම සාර්ථක කිරීම ඔහුට හැකිවුයේ එහෙයිනි. සියලුදෙනා නිදාගැනිමට ගොස් සිටියදී පවා ඔහු තමන්ගේ වැඩකොටස අවසන් නොකර නින්දට නොගියේය.
ඔහු පෝස්ටර් අකුරු ඇදීමට පුරුදු විය. ඔහු කිසිවෙක් නොමැති දිනවල ඉන් හොදින් ප්රොයෝජන ගත්තේය. තනිවම cut out ගෙනවිත් තනිවම කොළ ඉරා ,තනිවම අකුරු ලියා, cut out එක තනිවම කර තබාගෙන ගොස් ප්රදර්ශනයට තබුවේය.
ඔහු හොද පරිගණක ක්රියා කරුවෙකි. සමහර වෙලාවට design කර තිබෙන පොස්ටර් ගුණාත්මක භාවයෙන් පහත නම් ඔහු ඒවා වැඩිදියුණු කරන්නේය.
මාතලං සහෝදරයා හොද කතිකයෙකි. ඔහු කතාකරන බොහෝ දේවල් ගැඹුරුය එහෙත් සරලය. ඒ වගේම වේගවත්ය. උද්වේගකාරීය. එම නිසාම ඔහු වටා ආණ්ඩුවේ බුද්ධි ආංශ කරක් ගාසන්නට විය. එය ඔහු මනාව දැන සිටියේය.
සතුරා සතුරාමය උන්ගේ කිසිත් ගුණයහපතක් නෑත. ලේ පිපාසයට ලේ සුවදා සොයනවා මිස එහි වෙනත් හැඩ අලංකාර නොමැත. කැලණිය විශ්වවිද්යාලයීය පාරීපාලනයේ උකුසූ ඇසද යොමු වුයේ මාතලං දෙසටය. ඔහුගේ අවංකකම චොදනවට දමා ඔහු ඈතුලු පිරිසක් පන්ති තහනම් කළේය.පසුව මාතලං ගේ පන්ති තහනම වසරකට දීර්ඝ කර අනෙක් සහෝදරවරුන් ගේ පාංති තහනම ඉවත් කරන ලදි. පසුව මාතලං සහෝදරයාගේ පංති තහනම වසර දෙකක් දක්වා දීර්ඝ කරන ලදි. මාතලං ගේ ක්රියාකාරිත්වය පාලකයන්ට වදයකි. ඔහුට උපාධිය අහිමි කර තිබියදීත් පෙරට වඩා ශක්තිමත්ව ක්රියාකාරි විය. ඔහුට තිබු ධෛර්යය නිසාම පාලකයන් ඔහුව මර්දනය කිරීමට තවත් බොහෝ උපක්රම යෙදිය. ඒ අනුව පොස්ටර් ගැසීමේ වරදට මාතලං සමග එවකට මහා ශිෂ්ය සංගමයේ සභාපති වරයෙක් වු දයාන් විරක්කොඩි සහෝදරයා සිරගත කළේය. එවකට කැලණියේ ශ්රි ලංකා නිදහස් පක්ෂ සංවිධායක වු මර්වින් සිල්වා විශ්වවිද්යාලයේ ඉදිරිපිටදි පහර දෙන ලදි. තවත් දිනක කැලණිය විශ්ව විද්යාලයේ පිටුපස වේවැල්දූව නම් ස්ථානයේදී මර්වින්ගේ මැරයන් මාතලං සහෝදරා අල්ලා ඔවුන් පැමිණි ජිප් රථයේ ගැටගසා තබාගන්නා ලදි. එහිදි පැයක් පමණ තබාගෙන විටින් විට මාතං සහෝදරයාට පහර දී තිබේ. අවසානයේ ගැටගසා සිටි මාතලං සහෝදරයා සමගම ජීප් රථය විශ්වවිද්යාලය දෙසට ධාදනය කොට තිබේ. ඉන්පසු විශ්වවිද්යාලය පිටුපස මාතලං දමා ගොස් තිබිණි. එහිදී මාතලං දරුණු ලෙස තුවාල ලැබීය. ඔහුගේ කොන්ද දැඩි ලෙස අභාධයට ලක්ව තිබිණි.
මේ සියල්ල මෙසේ වෙද්දී මාතලං තම අරමුණු අතැරියේ නැත. ඔහු ගෙදර ගියේ නැත. වැඩිකාලයක් විවේක ගත්තේ නැත. ඔහු නැවත වැඩට පැමිණියේය.
ඔහුට රාජ්ය මර්දනය පැමිණියේ කැලණියේදි පමණක් නොව. තම නිවස පිහිටි කඹරවට සතියට දින කිහිපයක් දඹුල්ල නියෝජනය කරන මුද්ධි අංශ නිලධාරියා පැමිණෙන්නේය. විටක ඔහුගේ පියාගේ රැකියාවටද කණකොකා හඩන්නට පටන්ගතේය. ඔහු කුඹුරු වපුරන කාලයට නිවසට බලා යන්නේ ඒ සදහා පියාට උදව් කිරීමටය. ඒ සමගම බුද්ධි අංශ නිලධාරියාද පැමිණෙන්නේය. ඔහු ගැන ඇස ගසා සිටින්නට මෙතරම් පිරිසක් කුමටද? එතරම් රාජ්යය මතලංට බියවුවේය.
මාතලං ගේ චරිත ලක්ෂණ ගත්විට ඔහු වීරයෙක් ද නැද්ද යන්න කිරා මැන බැලීමට ඕනෑම කෙනෙකුට හැකිය. නමුත් එක් ප්රශ්නයක් තිබේ ඔහුගේ ක්රියාකාරිත්වය ඔබට කළ හැකිද? එය පහසුද? මරණය දැක දැක ඔහු සටන් කළේය. එසේ කරන්නේ කවුරුන්ද ? බොහෝ අය තමන්ගේ පුද්ගලික ජීවිතය වෙනුවෙන් වෙහෙසෙන විට ඔහු සමාජයක් වෙනුවෙන් වෙහෙසුනේය. එසේ කරන්නෙකුට පූර්ණ හදවතක් තිබිය යුතුය. එය මරණින් කෙළවර කර නොහැකි අමරණීය සිතුවිලි වලින් පිරුණු හදවත් බව අප අවධාරණය කරමු.
No comments:
Post a Comment