අගමැති රාජපක්ෂ මේ මොහොතේ ජාතිය ඇමතීම හොද දෙයකි. එහෙත් ඔහුගේ කතාවෙන් ජනතාවට ගැනීමට තිබෙන්නේ කුමක්ද? ඔහු පුන පුනා ප්රකාශ කළේ මේ වනතෙක් ආණ්ඩුව ගෙන තිබෙන පියවර පිළිබදවය. ඔහුට වෙනයමක් කීමට තිබුනේද නැත. ඇත්තෙන්ම අගමැති රාජපක්ෂ ඇතුළු රජය ක්රියා කළේ මන්දගාමිවය. ඔවුන්ට මේ තත්ත්වය පිළිබදව නිවැරදි වැටහිමක් තිබු බවක් පෙනුනේ නැත. ඔහු ප්රකාශ කරන්නේ ඔවුන්ට මේහි බැරැරුම්කම වැටහෙන ප්රමාණයටය. ඔවුන් ක්රියා කළෙත් එසේය. අඩුම තරමින් වෛරසය පිළිබදව වෛද්යවරුන්ගේ අදසහට ඉඩනොදි එය හමුදාවට භාරකිරීමට සිතීම පවා වැටෙහෙන්නට තවත් කල්ගත වනු ඇත. දැන් කළ යුතු දේ පස්සට දමා මේ තත්ත්වය සුළුකොට තකන්නට ජනතාව පෙළඹ්වේ ඔවුන්ය. එසේ තත්ත්වයකදිවත් අගමැතිවරයා ලෙස ජනතාවට විස්වාසය ගොඩනැගෙන ප්රකාශයක් කිරීමට අසමත්ය. ඔහු අනිවාර්ය ලෙස ප්රකාශ කළ යුතු දේ මගහැරියේය. දවස් වැඩ කරන දෛනික ජීවිතය ගැටගහගන්න මිනිස්සුන්ට මොකද වෙන්නේ, වෛද්යවරුන්ට ලැබෙන පහසුකම් පිළිබදව කිසිත් සදහන් කරන්නේ නැත. නිරෝධායනයට අවශ්ය පහසුකම් පිළිබදව කිසි සදහනක් නැත. රෝහල් වල තිබෙන ඉඩ ප්රමාණය ඊට වඩා දායක කරගත යුතු දේවල් පිළිබදව ඔහු කිසිත් ප්රකාශ කරන්නේ නැත. අගමැතිවරයාට මේ දේවල් සුළු දේවල් උවත් රටේ ජනතාවට එසේ නොවේ. ආණ්ඩුව මේ වසන්ගතය නිමාකිරීමට හැකි ශක්තිමත් වැඩපිළිවෙළක් වෙනුවට එදාවෙල ගහන ගේමක් ක්රියාත්මක කරයි. අගමැතිවරයා කියන කතාද ශක්තිමත් හා විස්වාස කළහැකි දේ නොවෙයි. ඔහු මේ මොහොතේ ජනතාවට තිබෙන දැඩි පිඩනයට පවා සහනයක් සැලසීමට අසමත්ය. ඔහු ජනතාවට යම් බලාපොරොතුවක් ලබාදීමට තිබිණි. එහෙත් ඔහුට එසේ කිරීමට තරම් හැකියාවක් නැත. අගමැතිවරයා යුද්ධය පිළිබදව කතාකලද එහි අද්දැකීම් මත සිට රටක සිටින සියලු ජනතාව එක අරමුණකට එකරාශි කිරීමට ඔහු උත්සහ නොකරයි. ඔහු ජනතාව මුලා කිරීමට උත්සහ කරයි. කන්න බොන්න දෙන්නම් වගේ ප්රකාශ ජනාධිපතිවරයාගේ සැමන් පරිප්පු කතාව හා සමානය. ඔහුට මෙය ඡන්දයකි. ජනතාව මරබියෙන් පසුවෙද්දි අඩුම තරමින් වසන්ගතය තුරන් කිරීමේ වැඩපිළිවෙළේ සාර්ථක අසාර්ථක භාවය පිළිබදව ජනතාවට කිසිත් නොකියයි.
මේ අප මුහුණ දෙන අවධානමේ ස්වභාවයයි. අගමැතිවරයා කියන පරිදි කිසිත් නොවේ. ඊට වඩා සියදහස් ගුණයකින් තත්ත්වය භයානකය. ආණ්ඩුව කුමක් කීවත් කුමක් කළත් ඒවා අනුව කටයුතු කළොත් කිසිත් නොවේ. එමනිසා ජනතාව මීටවඩා බුද්ධිමත්ව කටයුතු කළ යුතුය.
