මේ සියල්ල මෙසේ තිබියදි ජනතාවට ආණ්ඩුව පිළිබදව මනා පරිපුර්ණ විස්වාසයක් තබා ගන්නා ලෙස බල කිරීම විහිළුවකි. දෛනික ජීවිතය ගෙවා ගැනීමටවත් නොහැකි ජනතාවට අවශ්ය ආහාර ද්රව්යවත් බෙදා හැරීමට ආණ්ඩුව අපොහොසත්ය. එවැනි තත්ත්වයකදි දරුවන් මරණ ලද ගහලයන් නිදහස් කිරීමට ආණ්ඩුවට හැකිය. ජනතාව ගේවල් තුලට වි සිටන ලෙස බල කරමින් තම ඡන්ද ව්යාපාර වෙනුවෙන් ජනතාව එකතු කිරීමට ආණ්ඩුවේ ඇමතිවරුන්ට හැකිය. මෙම ක්රියාවන් සමග ආණ්ඩුව පිළිබදව යම් විස්වාසයක් ඇත්තෙක් වේනම් ඔහු පිස්සෙකි. තමා විසින් තමා උදේසා එවැනි වටපිටාවක් නිර්මාණය කරගත් පසු ජනතාවට කියන්නේ නෑස කන් ඇතුව සිටීමටය. ජනතාව එසේ වුවහෝත් සිදුවන්නේ කුමක්ද යන්න හොදාකාරවම දනී. එම නිසා තමන්ගේ ජීවිතය පිළිබදව ආණ්ඩුව ගනු ලබන තීරණ විවේඡනය නවතා දැමීමට ආණ්ඩුවකට නොහැකිය. එහෙත් ආණ්ඩුව තම නින්දිත ක්රියා මර්දනයේ සළුවෙන් වැසීමට ක්රියාකර ඇත.
දැන් ආණ්ඩුව විවේඡනය කිරීම නීති විරෝධි නම් මේ සමාජය ගෙනයාමට සුදානම්වන තැන පිළිබදව සිතාගත හැකිය. මර්දනය වර්ධනය කරන්නේ නොහැකියාව වසා ගැනීමටය. එසේම ඉන් ආණ්ඩුවේ නොහැකියාව තවතවත් ප්රදර්ශනය වන බව ආණ්ඩුවට නොතේරෙන්නේය.
පේරාදේණිය විශ්වවිද්යාලයීය ශිෂ්යයෙක් කොතලාවල රෝහල ප්රභූන්ට වෙන්කරගෙන සිටිනවා යැයි කියු සැනින් විශාල කලබලයක් නිර්මාණය කර ඇත. කොතලාවල පිළිබද එක එක කතා පැමිණෙන්නේ ඇයිද යන්න ද සිතා බලන්නත් කොතලාවල කියූ සැනින් උරනවනේ කුමට යන්නත් සිතා බැලිය යුතුය. ඒත් ඒ සියල්ලටම වඩා රටේ සෞඛ්ය සේවයට අත්ව තිබෙන තත්ත්වය පළිිබදව සිතා බැලිය යුත්ය. මහජන සෞඛ්ය පරීක්ෂකවරුන්ට අවම පහසුකම් ලබා දී නැත. එසේම ලංකාවටම icu ඇදන් තිබෙන්නේ 500ක් පමණය. වෛද්යවරු විශාල කැප කිරීමක් කරන අතර ඊට ජනතාවද යම් සහයක් ලබා දෙමින් තිබේ. මේ අනුව ඉදිරියට ලංකාව තුල ජන ජීවිතයේ විශාල අර්බුදයක් නිර්මාණය වීම ඒකාන්තය. එය කොරෝනා වසන්ගතය නිමාවුපසුවත් දැරිය නොහැකි පිඩනයක් වනු ඇත. ආණ්ඩුව මේ පිළිබදව හොදින් දන්නා නිසා කල්තියා ඊට සුදානම්වීම ද දැක ගතහැකිය. ඒ ජනතා ගැටළු විසදනවා වෙනුවට මර්දනය කැදවමිනි. කෝරෝනා වෛරසයට මුවා වී ජනතාවට තිබෙන කතා කිරීමේ නිදහසට අවසන් කිරීමට ඇතනම් එය ආණ්ඩුව ලබාගන්නා ජයග්රහනයක් වනු ඇත. මෙය ආරම්භයක් පමණි. හෙට දින එය තවත් ව්යාප්ත කරනු ඇත. මෙම නිසා ජනතාව ලෙස ආණ්ඩුවට බල යුත්තේ මර්දනයෙන් සැබෑ ප්රශ්න යට කිරීමට නොව සැබෑ ප්රශ්න විසදන ලෙසටය. එසේම ජනතාවට බලකළ යුත්තේ ආණ්ඩුව ගොඩනැගීමට උත්සහ කරන ප්රජාතන්ත්ර විරෝධි ක්රියාවලියට එරෙහිව පෙළ ගැසෙන ලෙසටය .
No comments:
Post a Comment