පසුගිය ජුනි 09 දින පෙරටුගාමි සමාජවාදී පක්ෂයේ උද්ඝෝෂණයට පහර දීම සරල ක්රියාවක් නොවේ. එය ඉතාම සැලසුම්සහගත ක්රියාවකි. ආණ්ඩුව සිංහල බෞද්ධ ජනතාව සිතන ආකාරය පිළිබදව හොදින් දනියි. ඔවුන්ට ජෝර්ජ් ෆොලොයිඩ් ඝාතනය එතරම් වැදගත් නැත. එය ඇමරිකාව බලාගතයුතු කටයුත්තක් මිස ලංකාවට එය අදාළ නැත. ලංකාවට අදාළ වන්නේ ලංකාවේ දේවල් පමණි. එවායෙන් ද ඉහළින් තිබෙන්නේ සිංහල බෞද්ධ අවශ්යතාවන් පමණි. සිංහල බෞද්ධ කීවත් එහි සාමාන්ය ජනතාව ඊට ඇතුලත් නැත. එහි සිටින්නේ ඉතාම සීමිත පිරිසකි.ඔවුන් සිංහල බෞද්ධ මනෝභාවය කොල්ල කා තම ආර්ථික කොල්ලය ඉදිරියට ගෙනයාමට ක්රියාකරමින් ඇත. මෙහි ගැටළුව වන්නේ ආර්ථිකයම වශයෙන් භංකොලොත් සිංහල බෞද්ධයන් ඒ සදහා පෙරමුණ ගෙන කටයුතු කිරිමය. මෙහි කේදවාචකය ඔවුන් වෙනුවෙන් පෙනි සිටින වාංශිකයන්ට වෛර කිරීමය. මෙම තත්ත්වය මාධ්ය හරහා තවත් සංවර්ධනය කරමින් ඉදිරියට ගෙන යනු ඇත. ඊට ඩොලර් මිලියන ගණන් වැය කරනු ඇත.
මේ සදහා යම් හෝ මට්ටමකින් වාමාංශික ධාරාවේ සිටින්නන්ට එක්සත් වීමට බල කෙරෙනු ඇත. එසේ නොවන්නට දුර්වල සියලු දෙනා වෙත විශාල මර්දනයක් පැමිණීම වැලැක්විය නොහැක. ජාතික ජන බලවේගයට මෙහි තීරණාත්මක කාර්යක් පැවරී තිබේ. එහිදි ජාතික ජන බල වේගය ක්රියාකරන්නේ මැතිවරණ සදහා පමණක් නම් ඉන් පලක්වන්නේ නැත. මෙම එක්සත් බාවය ප්රජාතන්ත්රවාදයටත් ආර්ථික සමානාත්මතාවය ස්තාපිත කිරිම දක්වා වු ගමනකට ප්රවේෂවන්නේ නම් මැතිවරණයෙන් පසුවද ක්රියාකාරි විය යුතුය. මේ මොහොතේ රටේ පවතින ජාතිවාදි මිනිමරු පිපාසිත පාලනයට එරෙහි වෙනත් බලයක් ගොඩනැගිනැත. එසේ වෙනත් බලයක් ගොඩනැගීමට තිබෙන ඉඩද ඉතා අල්පය. එම නිසා මේ මොහොතේ ජාතික ජන බලවේගය මැතිවරණ වේදිකාවට පමණක් සීමා නොකොට ඉදිරි අරගල සදහා කැදවීමට හැකිමම් එය අනීවාර්යෙන් කළ යුතු කාර්යක් වනු ඇත.
No comments:
Post a Comment