දින ගණනක් සති ගණනක් මාස ගණනක් අවුරුදු ගණනක් ඇගිලි ගැන ගැන හිටි රැකියාව ආණ්ඩුව මැකෝ හරහා උදුරාගෙන ඇත. මෙම ආණ්ඩුව පත්විමට පෙර ජනාධිපති ගෝඨාභය මැතිවරණ පොරොන්දුවක් ලෙස සියලූම උපාධිධාරීට රැකියා ලබාදෙන බවට ප්රකාශ කළේය. ඒ සමගම ඔහුව විස්වාස කළ උපාධිධාරීන් කතිරය කෙටුවේ ජනවාරි පළවෙනීදාට පත්විම් ලබාගැනීමේ ආෂාවෙනි. එම ආෂාව එකවර සන්තර්පණය කිරීමට ආණ්ඩුව කැමතිවුයේ නැත. ඒ වෙනුවට උපාධිධාරීන්ගේ ආෂාව පෙබරවාරි තෙක් දුර්ගකොට එය නැවත මාර්තු දක්වාම ඉදිරියට ගෙන ආවේය. මාර්තු පළවෙනිදා උපාධිධාරීන්ට පත්වීම් ලිපි ලැබුණේය. ඒත් අද නැවත ඒවා උදුරා ගෙන තිබේ.
පෙබරවාරියේ රැකියා ලබාදෙන බවට ආණ්ඩුව කී විට සංවර්ධන නිලධාරින් සේවා මධ්යස්ථානයේ කැදවුම්කරු ධම්මික මුණසිංහ මේ පිළිබදව පැහැදිලි කිරීමක් කළේය. ඒ මීට මාසයකටත් පෙරය. ඔහු ප්රකාශ කළේ ආණ්ඩුව මේ සුදානම් වන්නේ උපාධිධාරීන්ට රැකියා ලබාදීමට නොව ඔවුන්ව රැවටීමට බවය. මාර්තු මාසයේ 02 දින පාර්ලිමේන්තුව විසුරුවන බව කවුරුත් දැනන් සිටි කරුණකි. ඒ අනුව ආණ්ඩුව රැකියා ලබා දී මැකෝ හරහා එවා අත් හිටුවන බව රැකියා විරහිත උපාධිධාරීන්ගේ සංගමය ප්රකාශ කළේ ඒ අනුවය. රැකියා විරහිත උපාධිධාරීන්ගේ සංගමය මීට මෙම ගැටළුව අත්විදීමට පෙර එය මගහරවා ගැනීමට විශාල බෙහෙසක් දැරූ බව හැමෝම දන්නා කරුණකි. නමුත් ජවිපේ මැදිහත්විම හා සමහර ආණ්ඩුවට හිතැති සංගම් හා පුද්ගලයන් ආණ්ඩුව පිළිබදව තිබෙන විස්වාසය තවුරු කරමින් රැකියා විරහිත උපාධිධාරීන්ගේ සංගමයට පහර ගැසුවේය. නමුත් අවසානයට සිදුව තිබෙනේ තැන්නේ හිමි හා ධම්මික මුණසිංහ ප්රකාශ කළ දෙයම නොවේද?
දැන් රැකියා අහිමි කළ උපාධිධාරීන් ගේ කතාවස්තුව මෙතනින් නිම වන්නේ නැත. ආණ්ඩුවේ මැතිවරණ අපේක්ෂකයින් රැකියා සිහිනය කොල්ලකමින් තමන්ගේ දේශපාලන කැම්පේන් එකට උපාධිධාරීන් යොදාගැනීමට නියමිතය. මෙය ආණ්ඩුව ගැසු ගේමකි. මේ ගේමට උපාධිධාරීන් හසුව තිබේ. ඒ ඔවුන් ආණ්ඩුව හා වෙනත් කණ්ඩායම් විස්වාස කළ නිසාවෙනි. දැන් අප උපාධිධාරීන්ට දැන්වත් එසේ නොකරන ලෙස කීමෙන් පලක් නැත. ඔවුන් ආණ්ඩුව පසුපස යාම නවත්වන්නේ නැත. එසේම සටන නවතින්නේ ද නැත. මොකද නැවත උපාධිධාරීන් රැකියා ලබාගත යුතු නිසාය. එමනිසා එය කෙතරම් ඉක්මනින් සිදුවනවාද යන්න තීරණය වන්නේ සටන ආරම්භ වීමට ගතවන කාලය අනුවය. දේශපාළුවන්ට කඩේ නොයා සටන් කිරීම තෝරා ගන්නේ නම් එය ඉක්මන්වනු ඇත. නැත්නම් උපාධිධාරීන්ගේ රැකියා සිහිනය තවත් කාලයක් මේ ආකාරයෙන් ඉදිරියට ඇදෙනු ඇත.
No comments:
Post a Comment