ගෝඨාභය ගොඩනැගු ගෝත්රික වාදය යටකිරීමට ලිබරල් වාදයට පවා කළ හැක්කක් නොමැත. එසේ හැකියාවක් තිබුණේනම් ලිබරල් වාදය යම් ප්රමාණයකට හෝ ඉදිරියට එනු ඇත. ගෝත්රික වාදය ස්තාපිත වු කළ සිදුවන්නේ එයයි. එසේ නොමැතිවුවේනම් ජාතික ජන බලවේගය මීට වඩා ඉදිරියට පැමිණෙනු ඇත. එහෙත් සමාජ අවශ්යතාව පිළිබදව සිතුවිට ගෝඨාභය ගේ පැමිණිම කිසිසේත්ම සිදුවිය යුත්තක් නොවේය. සමාජයට අවශ්ය ආර්ථික පීඩනයෙන් නිදහස් වීමටය, ජාතිවාදයෙන් නිදහස් වීමටය. ඒහෙත් පාස්කු ප්රහාරය හමුවේ මේ සියල්ල යටකොට ගෝත්රික වාදය ඉදිරියට පැමිණියේය. එහෙත් මෙම ගෝත්රික වාදය මින්මතු හිගමනට වැටෙන සැටි ඇස්මනාපිට සිදුවනු ඇත. නැවත වාමවාදි සටන්පාඨ කරලියට පැමිණෙනු ඇත. එය ගෝඨාභය වැලැක්විය හැක්කක් නොවේය.
ගෝඨාභයට හිට්ලර් මෙන් විය නොහැක. එහෙත් ඔහු නව උප්පරවැට්ටි යොදනවා ඇත.එහෙත් ඔහුට බොදුබල සේනා වැනි සංවිධානවල සරණ යාමට ඒකාන්තයෙන් සිදුවනු ඇත. ඒ වෙනකක් නිසා නොව වාමංශිකයින් කුඩුපට්ටම් කිරීම සදහාය. මෙම නිසා ගෝඨාභය කොතරම් ඉහළින් ජය ගත්තද වම ඉතාම ඉවසිමෙන් සමාජ අවශ්යතාවට ආමන්ත්රණය කරනුයේනම් වමේ ඉඩ පුළුල් වී ගෝත්රික වාදයත් දක්ෂිණාන්ශික දේශපාලනයට සැලකිය යුතු අභියෝගයක් එල්ළ කළ හැකිය. එම නිසා ගෝඨාභයගේ දිනුම තුල ධනවාදයේ පරාජය නිදන්ගතව තිබෙන ආකාරය හොදින් නිරීක්ෂණය කළ හැකිනම් ධනවාදය භියෙන් සලිත වීමටත් වම සක්රිය විමත් සිදුවනු ඇත. එම නිසා මෙම මැතිවරණය ධනවාදයේ මරණයට ඔවුන්ම අටවාගත් උගුල් රාශියකි. එම උගුල්වල වැටීම ඉබේ සිදුනොවන අතර ඊට වාම දායකත්වය නොවඩුව ලැබිය යුතුය. එසේ නොවන්නේනම් උගුල් වල වැටුනු පාලකයෝ ලේ හලමින් හති අරිනවා බැලීමට පමණක් වම අවශ්ය නොවේ. එම නිසා ඉවසිම මෙන්ම කල්බැලීම අවශ්යවනවා සේම සමාජ සංවර්ධනයේ ඊලග මායිම ලකුණු කිරීම වම වහ වහා කළ යුතුය. ඒ අනුව ඉදිරි දේශපාලනයේ චලිතය තිරණය වනු ඇත.
No comments:
Post a Comment