ඇත්තටම හිටපු ජනාධිපති මහින්ද ගෝඨාභයට ජනාධිපතිවරණය සදහා නාමයෝජනා දීමට ආරාධනා කළ තැනැත්තාය. ඔහු තමන්ගේ මල්ලි ජනාධිපති වීම ගැන සතුටු වන්නට ඇතැයි බොහෝ දෙනා සිතිවේය. එහෙත් ගෝඨාභයට මහින්ද නාමයෝජනා ලබාදුන්නේ සත්ය ප්රේමයෙන් නොවේ. එය දේශපාලන ගේමක ආරම්භයකි. නමුත් මෙම ගේම ගෝඨාභය දැනගැනීම සමග ගේමට ගේම දීමට ගෝඨාභය පටන්ගත්තේය. අයියාගේ කීමට හෝ අයියාගේ මග පෙන්වීම එකසිතින් පිළිගන්නවා සේ පෙන්වු ගෝඨාභය වෙනත් ක්රියාවලියක් ආරම්භ කළේය. ඊට U.N.P එකේ සජිත්ගේ ආගමය හරහා හොදින් පාර තැනී තිබුණේය. මේ තත්ත්වය හමුවේ ගෝඨාභය මහිදගේ වලේ වැටෙනවා වෙනුවට U.N.P යේ පිරිසකගේ සහය ඇතිව තම කැම්පේන් එක ගෙන ගියේ රහසිගතවය. මහින්ද හා ගෝඨාභය ගේ එම විරැසකය දැන් තවත් ලියලා වැඩි තිබේ. මහින්ද හා සජිත් සිතු දේ සිදු නොවුනත් රනිල් ඇතුළු කණ්ඩායම සිතු දේ සිදුව හමාරය.
මෙම ගේමේ සිටි U.N.P මහත්තුරු ගෝඨාභයට සුබපැතුම් ගෙන එමින් තිබේ. පළමු සිදුවීම වුයේ නිදහස් උත්සවය අවසන්ව ජනාධිපති ගෝඨාභය කළ කතාවට මංගල සමරවීර ප්රශන්සාත්මකව එකතුකළ සුබපැතුම හරහාය. මෙම සුබපැතුම බොහෝ අයට ජෝක් එකක් වුවත් එඅය ඇසූ මහිදටනම් ජෝක් එකක් නොවෙන්නට ඇත. එසේම දැන් දයාගමගේ ප්රකාශ කරමින් සිටින දේ ගත්විට 69 ලක්ෂය චුං වෙනවා නොවනු මානය.මංත්රි දයාගමගේ කියන්නේ පක්ෂය කුමක් කීවත් ගොඨාභායට සහය දෙන බවය. පොහොට්ටු ඇත්තෝ සිතනුයේ දයා පොහොට්ටුවට සෙට්වෙන්න එනවා වගේ එකක්නම් උන් සිටින්නේ මංමුලාවකය. නෑ දයාගමගේ මේ කියන්නේ ගෝඨාභය දයාගමගේ ඉන්න පැත්තේ සිටින බවයි. ඒ කියන්නේ ගෝඨාභය මහිදට වඩා U.N.P යට කිට්ටු වී සිටින බවය.
අහෝ 69 ලක්ෂය නුඹලාට මේ සිදුව තිබෙන්නේ කුමක්ද? බොහෝ අය මේ කතාව දැනගත් සැනින් සිනාසෙන නුඹලාට සිනාසෙනු ඇත. එහෙත් මේ කතාව මෙතනින් නිමවන්නක් නොවේ. අතුරලියේ රතන හිමිට නාම යෝජනා නොලැබේවි, ගලබඩ අත්තේ හිමි සද්දේ වසා සිටිමට සිදුවේවි, ඒ සමගම මහින්ද සමග ගෝඨාභය මහමැතිවරණයට ප්රවේෂ වේවි, ගෝඨාභය පොරකා කෙසේ හෝ තමන්ගේ වැඩිපිරිසක් පාර්ලිමේන්තුවට ගෙන ඒමට පොරකන අතර මහින්දද තම බලය රැක ගැනීමට වේර දරනු ඇත. අවසන සිදුවන දේ දැන්ම උපකල්පනය කිරීමට අපහසු උවත් මෙසේ සිදුවීමට ඉඩ තිබේ. ගෝඨාභය තම පිළේ පිරිස සමග U.N.P යට යා හැක. එක තරමක් අසීරු එකකි. මන්ද කුමක් උවත් ගෝඨාභය තම ඡන්ද දායකයන් අත් හරිනේ නැති නිසාවෙනි. ඊට අමතරව මහිදගේ පිලේ අය සිටිද්දිම මහින්දගේ බලය අඩු කිරීම සදහා U.N.P පිරිසක් පෙදුජන පෙරමුණ වෙත ගෙන ආ හැකිය. එවිම එම ආණ්ඩුව පෙනුමින් පොදුජන පෙරමුණේ උවත් සත්ය ලෙසම එය U.N.P ආණ්ඩුවකි. නමුත් මෙහි තිබෙන වෙනස මහින්දට තමන්ට අවශ්ය සෙල්ලම් දැමිම සීමා වී යාමය. එසේම තව දෙයක් සිදුවිය හැකිය එනම් මහින්ද ගෝඨාභය ඉදිරියේ දණ නමා බලයට සදහා වන තම ගේම අතහැර දැමීමය. එයට එතරම් පහසු එකක් නොවේය. නමුත් එය සිදුවුවහොත් මීලග මැතිවරණයෙන් පසු පිහිටුවන ආණ්ඩුව මහින්ද ගේ නොව එය UNP නොවන ගෝඨාභය ගේ ආණ්ඩුව වනු ඇත.
මේ අතර සජිත් විපක්ෂ නායක ලෙස සිටීම UNP යට අදාළ නොවන ප්රශ්නයකි. මොකද UNP යට ආණ්ඩුව කිරීමට තිබෙන නිසාවෙනි. එහෙත් සජිත්ට UNP නායකත්වය හිමි නොවනු ඇත. සජිත්ව අදාළ වෙලාවට විපක්ෂ නායක කමින් පන්නා දැමීම පමණක් සිදුවනු ඇත. කෙසේ වෙතත් මෙම ගේම් කැපිලි කෙටිලි තුල වෙනසක් බලාපොරොත්තු විමම අමු ගොන්කමකි. එහෙත් අන්දන ඇන්දිල්ල ඒ සමග පෙන්නෙ දේශපාලනය හා එහි ප්රතිඵල අප සැමට අමු අමුවේ භුක්ති විදීමට සිදුවේ. එම නිසා කඩතුරාව ඉරාදමා බලවේග සැබෑ වාම ජයග්රහණයක් වටා එකතු කිරීමට උත්සුක විය යුතුය. MCC පැමිණිමට නියමිතය. තවත් මර උගුල් කට්ටලක් ආණ්ඩුව ජනතාවට එරෙහිව එළමිත් තබේ. එම නිසා ජනතව ආමන්ත්රණය කළ යුත්තේ වෙනස් ආකාරයකටය. ඒ පාලකයන්ගේ ඇස් අන්ධ කරන ගේම ඇතුලේ නිලංකාරව තරු බලන උන් පිරිසක් ලෙසය. එහි වේදනාව වමේ පක්ෂ දරා ගන්නට යාමෙන් නොව එසේ නැත්නම් උන්ව සැනසීමට යාමෙන්නොව. වම කළ යුත්තේ ඇස්නිලන්කාර වු ජනතාව ඔක්කාරයට ඇදදැමීමෙන්ය. ජනාතාවට වේදනාව භාර කළ යුතුය. වේදනාවට පිළිතුර අප දෙනවා වෙනුවට ජනයාගෙන්ම ලබා ගත යුතුය. පිළිතුරු සේවිම වම භාරගත්විට නායකත්වද වම භාර ගත්විට ජනයාට කිරීමට ඇති කෙන්ගෙඩියක් නැත. එම නිසා ජනතවට ප්රශ්නය හා පිළිතුරු ද ජනයාටම ලබාදෙන ලෙසට බල කළ යුතුය. නමුත් නායකත්වය වම ලබා දිය යුතුය. සමහර පිළිතුරු අමන එවාය නමුත් ගමන යනවිට එවා හල හප්පා හොදම පිළිතුර අත්පත් කර ගැනීමට හැකිය. එමනිසා මේ උදාවන කාලය වමට හා දකුණට තීරණාත්මක වනු ඇත. වම තිවුර සටනකට පිවිසුවොත් දකුණ හා කරන තවත් ඓතිහාසික සටනක් දැක ගත හැකිවනු ඇත. එමනිසා ගෝඨාගමනය වමට අසුබ නැත.
No comments:
Post a Comment