රැකියාවක් නොමැති වුවෙකුට රැකියාවක් ලැබීම හොදය. එය සතුටට කරුණකි.ඒත් මෙම ක්රියාවලිය තුල උපාධිධාරීන්ට රැකියා වෙනුවට පුහුණුවක් ලබාදෙන බව පවසා ඉතා අඩු වැටුපකින් වැඩකරවා ගැනීම සිදු කරයි. පුහුණුවක තිබිය යුතු කිසිදු ගුණයක් මෙම ක්රියාවලියේ නැත. අඩුම තරමින් පුහුණු වන්නේ කුමක් ද යන්න පවා සදහන් නොකරයි. ඒ වෙනුවට රජයේ කාර්යාල වල වසර ගණන් පල් වු මෙතෙක් කරගත නොහැකි සියලුම කාර්යන් උපාධිධාරීන් පිට පටවයි. මෙය රැකියාවක් හෝ පුහුණුවක් නොව ඉහළ නිලධාරින්ගේ මනදොළ පිරවීමට අවශ්ය සුරතෙලෙකු සම්පාදනය කිරීම පමණක් සිදුවේ.
1995 හා 1998 බදවාගත් සංවර්ධන නිලධාරි කණ්ඩායම් මේ වනවිට වසර 20 සම්පුර්ණ කොට ඇත. මෙම වසර 20 තුල ඔවුන් විදි දුක් ගැහැට නිමක් නොවන බව කිව යුතුය. මොවුන්ට කිරීමට නිස්චිත කාර්යක් නොවීය. 2005 පසු බදවාගත් උපාධිධාරීන්ට ද අත්වුව තිබෙන ඉරණම එයයි. උපාධිධාරීන් සේවයට බදවා ගැනීමේ ක්රියාපටිපාටියක් නැත. එසේම සේවා ව්යවස්ථාවක් නැත. උසස් වීම් ක්රම වේදයක් නැත. තිබෙන ඒවා ඵලක් ඇති ඒවා නොවේය. එවා ගැලවිජ්ජාවට කරන ලද ඒවාය. නමුත් ඒ වෙනුවට ආයතන ප්රධානියා කියන කියන ආකාරයට ක්රියා කළ යුතුය. එය පමණක් උපාධිධාරීන්ට උරුමකර දී තිබේ.
1998 බදවාගත් උපාධිධාරියෙකුට ඔහුගේ ආයතන ප්රධානියා පවරා තිබු රාජකාරිය වුයේ ,එම ආයතනයේ වාහනය දවස තුල ධාවනය කරන ලද දුර වාර්තා කිරීමය. ඒ හැරුණාම ඔහුට වෙනත් රාජකාරියක් නැත. මේහා සමාන අද්දැකීම් තිබෙන දහස් ගණනක් උපාධිධාරීන් තවමත් සේවයේ යෙදෙති. එහෙත් ඔවුන් කිසිදු තෘප්තියක් නොමැතිව ආයතන ප්රධානියා දෙන වැඩක් කරමින් සිටියි. ලියුම් කැඩීම් ,කටු ගැසීම්, බිල් කැඩීම්, ෆොටෝ කොපි ගැසීම ද උපාධිධාරීන්ට පවරා ඇති වැඩ වලට අයත්ය.
මෙම ක්රමවේදය යම් වෙනසකට භාජනය වේ යැයි බොහෝ දෙනා සිතුවද ඝෝඨාභාය රාජපක්ෂ රජයත් එම ක්රියාවලිය එලසම ක්රියාත්මක කරමින් සිටියි. එය කේදවාචකයකි. දැන් රැකියාවක් ලැබෙන සිගිනයේ සිටින උපාධිධාරීන්ට ලැබෙන්නේ රැකියාවක් නොවන බව සේවයට වාර්තා කළ පසු පසක්වෙනු ඇත. අනෙක් සියලුම රාජ්ය සේවකයන්ට හිමි වරප්රසාද තමන්ට නොමැති බව දැනගන්නට ලැබෙනු ඇත. එවිට උපාධිය බල්ලට දමා ඇතිබව පමණක් වැටහෙනු ඇත.
උපාධිය බල්ලට දමන්නේ ඇයි.
උපාධිධාරීන් රටේ සංවර්ධනයට හෝ ජනතාව ගේ අවශ්යතා සම්පුර්ණ කිරීමට යොදාගත හැකි ක්රමවේද දහසක් තිබියදි ආණ්ඩුව මේ ගෙනයන්නේ උපාධිධාරීන් හෑල්ලුවට ලක්කර උපාධියට තිබෙන වටිනාකම නැත්තටම නැතිකර දැමීමය. නැවත ඉගෙන ගන්නෙකුට උපාධිය එපා කරවන තරමටම මෙම ක්රියාවලිය නිර්මාණය වි ඇත. එය නැවත ආණ්ඩුව උත්සහ කරන ආධ්යාපනය විකිණිමේ ක්රියාවලියත් සමග කදිමට ගැට ගැසෙන්නේය. එම නිසාම කිසි විටෙක උපාධිධාරීන්ට රැකියා ලබාදීමට කිසිදු ආණ්ඩුවකට වැඩපිළිවෙලක් තිබුණේ නැත. ආණ්ඩු රැකියා ලබාදෙන්නේ උපාධිධාරීන් උද්ඝෝෂණය කරන නිසාවෙනි. උද්ඝෝෂණ ද එකක් දෙකක් කිරීම ප්රමාණවත් නැත. ඊට වසර ගණනාවක උද්ඝෝෂණය අවශ්ය වන්නේය. අවසානයේ තකතීරු කපටි ආණ්ඩු මැතිවරණයක් කිට්ටු වී උපාධිධාරීන් තම දේශපාලන උවමානාවන් සදහා පාවිච්චි කර ගනිති. එහි කේදවාචකය මීට පෙර බදවාගත් සියලු දෙනා බුක්ති විදිමින් සිටියි.
උපාධිධාරීන් ඡන්ද වැඩවලට යෝදාගන්නා ක්රම කිහිපයක් තිබේ. පළවෙනි ක්රමය උපාධිධාරීන් ගේ ගැටළුව රටේ කතා බහට ලක්වූ පසු එම ප්රශ්නය විසුදු ආණ්ඩුව ලෙස ලකුණු දමා ගැනීමය. දෙවන ක්රම වේදය. ඔවුනව යොදාගනිමින් රටම ආවණය වන ලෙස ජනතාව කැන්වසින් කිරීම හා ඒවාට මාධ්ය ආවණ ලබාදීමය. ඊට ආණ්ඩුව ව්යාපෘතියක් නිර්මාණය කරන්නේය. එම ව්යාපෘතියේ ගොදුරු බවට උපාධිධාරීන් පත්වන්නේ කේදනීය ලෙසය. අවසානයේ ඔවුන්ව ඔහේ අතහැර දමන ආණ්ඩුව ඔවුන්ගේ කිසිදු ප්රශ්නයකට වග නොකියයි.
අඩුම තරමින් ආණ්ඩුව උපාධිධාරීන් බදවාගන්නා නිශ්චිත ක්රමවේදයක් සැකසිය යුතුය. පුහුණුව නමින් නාටාමි සේවය පැවරීම වෙනුවට අවශ්ය පුහුණුව ලබාදෙන ක්රමවේදයක් සැකසිය යුතුය. වසරක පුහුණුව කුමටද යන්න ආණ්ඩුව ප්රකාශ කළ යුතුය. දැනට පුහුණුවට ගත් උපාධිධාරීන්ට ලබාදුන් පුහුණුව කුමක් ද යන්න පිළිබදව ආණ්ඩුව ප්රකාශයක් නිකුත් කළ යුතුය. අඩුම තරමින් පුපුහුණුවේදි උපාධිධාරීන්ට අත්කරගත නිපුණතාවයන් පිළිබදවත් ආණ්ඩුව ප්රකාශ කළ යුතුය. පුහුණු වසර යනු පුහුණුවට ගත්වසරක් නොවේය. එය බැලමෙහෙවර කිරීමේ හා පහත් තත්ත්වයට ඇදදමන වසරකි. අඩුම තරමින් වැඩකර මාසයේ අවසානයේ ලැබෙන දීමනාව ලබාදෙන දිනයක් හෝ සැකසීමට ආණ්ඩුව අපොහෝසය. සමහරුන්ට දීමනාව මාස ගණනකින් ලැබී නැත. ඊට බොහෝ හේතු කියන්නේය. එම නිසා මෙම පුහුණු වසර උපාධිධාරීන්ගේ කොදු කඩන වසරකි. රැකියාව අප්රසන්න කිරීමේ වසරකි. ලබීමට තිබෙන රැකියාව එපා කරවන වසරකි. මේ හැරුණාම ආණ්ඩුව ලබාදෙන පුහුණුවෙන් උපාධිධාරීන්ට ලැබෙන දෙයක් නැත. එත් එක් දෙයක් ඉගෙන ගනු ඇත. රු 20000 කින් ජිවත්වෙන්නේ කෙසේද යන්න ඉගෙන ගත හැකිය. මාර්තු බදවාගන්නා උපාධිධාරීන්ට 22500න් ජීවත් වන ආකාරය ඉගෙන ගත හැකිය. එම නිසා උපාධිය බල්ලට දමන මෙම ක්රියාවලිය දැන්වත් නතරකර නිශ්චිත ක්රමවේදයකට උපාධිධාරීන් රැකියා වලට අනුයුක්ත කිරීමට බල කල යුතුය.
මෙම තත්ත්වය තුල උපාධිධාරීන් සියලු දෙනාටම ශක්තිමත් වෘත්තීය සමිතියක් අවශ්යය. ඉන් තොරව උපාධිධාරීන්ට ගමනක් නැත. පුහුණුව අවසන් කළ සංවර්ධන නිලධාරින් ලෙස සිටින , පුහුණු වන පිරිස් හා අලුතෙන් බදවා ගැනීමට නියමිත උපාධිධාරීන් මේ පිළිබදව
දැඩි අවධාරණයකින් වැඩ නොකළෝත් 95,98 බදවාගත් උපාධිධාරීන්ට අත්වු ඉරණමට වඩා යමක් අත් නොවනු ඇත.
No comments:
Post a Comment