උපාධිධාරීන්ගේ පුද්ගලික ලිපිගොනු

           

2018 සහ 2019 වර්ෂ වලදි සංවර්ධන නිලධාරි තනතුර සදහා  උපාධිධාරීන්  වසරකට පුහුණුවට ගත්තේය. 2018 උපාධිධාරීන්ගේ පුහුණුව නිම වී වසරක් ගතවුයේ 2019 අගෝස්තු මාසයේදිය. එහෙත් ඔවුන් තවමත් ස්ථිර කොට නැත. ආණ්ඩුව  එසේ ස්ථිර නොකිරීම සදහා වන කරුණු දැක්විමේදි ප්‍රකාශ කර සිටින්නේ අමුතු කතාවකි. එනම් 2018  උපාධිධාරීන් බදවාගෙන තිබෙන්නේ ආර්ථික ප්‍රතිපත්ති,ආර්ථික කටයුතු,නැවත පදිංචි කිරීම් හා පුනරුත්ථාපන ,උතුරු පළාත් සංවර්ධන සහ යෞවන කටයුතු අමාත්‍යාංශය විසිනි. මෙම අමාත්‍යාංශය මගින් රැකියා ලබාදීම හා එම රැකියා ලබාදුන් අයගේ පුද්ගලික ලිපිගොනු සකසා රාජ්‍ය පරිපාලන අමාත්‍යාංශයට යැවිය තිබිණි. එහෙත් එම කටයුත්ත පසුගිය ආණ්ඩුව මෙන්ම වර්තමාන ආණ්ඩුවද පැහැර හැරියේය. එම නිසා 2018 සංවර්ධන නිලධාරින් ලෙස සේවයට අනුයුක්ත කළ යුතුව තිබු කණ්ඩායම වසර එකහාමාරක් ඇවෑමෙන් ස්ථීර නොකළේය.

දැන් ලහි ලහියේ 2019 කණ්ඩායමේ පුද්ගලික ලිපිගොනු සකසමින් තිබේ. 2019 බදවාගත් බොහෝ  උපාධිධාරීන් සිතනුයේ එසේ කරනුයේ තම පුහුණුව මාස 6 ස්ථිර කොට සංවර්ධන නිලධාරි තනතුරට අනුයුක්ත කිරීම සදහා බවය. එහෙත් එය එසේ නොවේ. මෙම ක්‍රියාවලිය සිදුවන්නේ මාස 6න් ස්ථිර කිරීමට නොවේ. වර්තමාන මුදල් හා ආර්ථික ප්‍රතිපත්ති අමාත්‍යාංශය මෙම ලිපිගොනු 2020 අගෝස්තු 01 දිනට ප්‍රතම  රාජ්‍ය පරිපාලන අමාත්‍යාංශය වෙත යැවිම සදහා මෙම ලිපිගොනු සැකසීම ආරම්භකර ඇත. නමුත් ආණ්ඩුව නිල වශයෙන් හෝ වෙනයම් ආකාරයකට මේ පිළිබදව කිසිත් නොකියයි. එහෙත් 2019 කණ්ඩායම ස්ථීර කරන ආකාරයේ රංගනයක් පමණක් ගෙන යමින් තිබේ. මොකද 2019 සංවර්ධන නිලධාරින් සේවය කරන කිසිදු ආයතනයකට එවනු ලැබු කිසිදු ලිපියක  පත්විම ස්ථිර කිරීම සම්බන්දව කිසිත් සදහන් කොට නැත. මෙම නිසා මෙම ක්‍රියාවලිය කිසිවිටෙජ මාස 6කින් 2019 කණ්ඩායම ස්ථීර කිරීමට ගන්නා ක්‍රියාවලියක් නොවේ.

එසේම මාස 6න් ස්ථිර කිරීමටනම් ඊට කලයුතු තවත් බොහෝ දේ ඇත. ඒවා කළයුත්තේ ආණ්ඩුව විසිනි. නමුත් ආණ්ඩුව එවා සිදු කරන්නේ නැත. එවා සිදු කර ගැනීමටනම් සංවර්ධන නිලධාරින් ලෙස පුහුණු වන උපාධිධාරීන් ක්‍රියාකළ යුතුය. එසේ නොවන්නට සේවය ස්ථීර කරන තෙක් තවත් කාලයක් බලා සිටිය යුතුය.