සැරසෙන්නේ ස්වාධීන රැගුමකටනම් අනිවාර්යෙන් නායකත්වය අරගලයට පැමිණිය යුතුය.......( මාතලං - 2010 කිරිබත්ගොඩ දී )
අද පාවා දෙන්නන්ට රජ යහන් තැනෙන්නේ මාතලං ටොක්කා ගේ කතාව නොදන්නාකම නිසාවෙනි. කොතෙක් මිනිසුන් මහා යන වචනය ශබ්දයට කීවද එය කිසිදිනක මහා ලොකුවැඩ වන්නේ නැත. ආණ්ඩුවට ඒවා සරල ගණයේ හා පහසුවෙන් පාලනය කළ හැකි දේ බව මාතලං ගේ කතාව අපට කියාදෙනු ඇත.
මාතලං ගේ මුලික අරමුණ එලෙස ක්රියාත්මක වෙද්දි කිසිවිටෙකත් අරගල භූමිය අත්හරින්නට ඔහු සුදානම් නොවීය. කැලණියේ දී එල්ළවන මැර ප්රහාර කොපමණ උවද කළ යුතු කාර්ය නිමවා තැබීම ඔහු ගේ හැටිය. සමහරු දුරකතන විසංදිකොට රහසිගතව නිදා සිටින විට තනිව හෝ අදාළ කාර්ය නිමවාලීම ඔහුගේ සිරිතය. තනිව සටන් පාඨ ලිවීමටත් තනිව කටවුට් ගැසීමටත් ඔහු ඉගෙනගෙන සිටියේය. පාප්ප බාල්දිය වෙලි යාමට පෙර තවත් පාප්ප එකතුවුයේ අලුත් පොස්ටරය ඇලවීමටය. එහෙත් මාතලං දෙස බලන විට සමහර නායකයන්ට එලොව දෙල් පෙනෙනු ඇත. සමහරුන්ට දේශපාලන අදහසක් නැත. සමහරු පාවා දෙන්නේ තමන් මුදුනා මාර වැඩ්ඩා ලෙස පෙන්වාදීමටය. කිසිදිනක අරගල කරුවෙක්ට උචිත නොවන චින්තනයක් කරපින්නා ගන්නේ ඇගේ තිබෙන අලසකම නිසාය. අලසයා කෝපයෙන් වචන වැලක් තෙපළති. ඔහුට තමන්ව බේරා ගැනීමටත් තමන් ගතකරන අලස ජීවිතය වීර වික්රමාන්විත ජිවිතයක් ලෙස පෙන්වාදීමට ඉන් හැකියැයි සිතති. එහෙත් ඔවුන් කළ කිසිත් නැත. ඔවුන් වදය. ඔවුන්ට අලුත් නිර්මාණයක් කරනවා තියා පැරැන්නෝ ශිෂ්ය ව්යාපාරයට නිර්මාණය කළ දේ රැක ගැනීමටවත් බැරීය.
මාතලං අරගල භූමිය සරසන විට ජවිපේ න්යායිකව අධ්යාපනය විකිණීම උදෙසා ගෙන ආ තක්කඩි අදහස් වලට එරෙහිව අරගල කළේය. එසේම අන්තරේ තුල අරගලය පලල් කිරීමටත් නිදහස් අධ්යාපනය රැකගනිමු. යන සටන්පාඨයේ සිට නිදහස් අධ්යාපනයත් අධ්යාපනයේ නිදහස දිනාගැනීම දක්වා වු සටන්පාඨය අන්තරේ තුල තහවුරු කිරීමට ඔහු නොමද දායකත්වයක් සැපයීය. එකළ ආණ්ඩුවේ මැර නියෝජිතයා ලෙස කැලණියේ මර්වින්ගේ යකඩ චේන් පහරවල් හෝ දැලි පිහි පහරවල් මාතලං නවතා දැමීමට සමත්වුයේ නැත. එසේ මිනිසෙක්ගේ ආ ගමනය ආණ්ඩුවකට අභියෝගයක් වනවා මෙන්ම රාජපක්ෂ රැස්වළලලට වූ හානියකි. එකින් එක පෙළ ගැසි පැමිණි විරෝධය සමනය කරන්නේ කෙළෙසද? බියට පත්වුවන් නැගි සිටින විට රාජපක්ෂ ආණ්ඩුව දරාගන්නේ කෙළෙසද? එකළ ආචාර්ය අරගලයේ දි ආචාර්යවරු මේච්චල් වෙද්දී ශිෂ්ය ව්යාපාරය මේච්චල් කරගත නොහැකි තැන එහි නොහැකියාව අවසන්කළේ මාතලං ගේ හා ටොක්කා ගේ ජිවිත උදුරා ගනිමිනි.
මාතලං තවමත් ශිෂ්ය ව්යාපාරය ඔබ පැතු ලෝකය ගොඩනැගීමට වෙහෙසෙති. විවිධ මොහොතකවල් වලදි සතුරන් විවිධ මුහුණු පැලද පැමිණි බවත් සැබෑව. එහෙත් තවමත් අන්තරේ ස්වාධීන වී නැත. එය මාතලං ටොක්කා ගේ රුධිරයෙන් මෙන්ම අතීත විරුවන්ගේ රුධිරයෙන් රක්තවර්ණව වාමාක්ශික ව්යාපාරයක්ව ඉදිරියට ඇදෙමින් ඇත. අන්තරේ අරගලය අත්හලේ නැත. එය මාතලං ටොක්කා ශිෂ්ය ව්යාපාරය තුල තබා ගිය සලකණු ඉදිරියටත් නොමැකෙන බවට වන සාක්ෂියයි. එමනිසා සෑම අරගලයකදීම මාතං ටොක්කා සටන් සගයිනි ඔබ අප සමග ධෛර්යෙන් අත්වැල් බැදගෙන සිටිනු ඇත.
ලසන්ත රණවීර විසිනි
No comments:
Post a Comment