මාතලං සිසිත කියන්නේ කවුද? ඔබ ඔවුන් ගැන දන්නේ කුමක්ද ? මාතලං ටොක්කා වීරයන් වෙන්නේ කොහොමද ? මේ ප්රශ්න ගැන නොසිතා මාතලං සිසිත එක එක පැතිවලට හරවා හරවා එක එක කතා කියති. සමහරු නොදන්න කතා කියති. සමහරු හිතාමතාම විකෘති මත හදති. මාතලං ටොක්කාට තම ජීවිතය කැපකල පසුත් ඔවුන්ට මිතුරන් සිටීම පුදුමයක් නොවේ. එහෙත් ඔවුන්ට සතුරන් ද සිටිති. විශ්වවිද්යාලය ජීවිතයේදි සෑම උපකුලපතිවරයෙක් පාහේ විරු සිසු ගීතයට නැගී සිටින්නේ නිකන් නොවේ. ඊට ජාති, ආගම් , බේද නොතිබුණි. සැවෝම නැගී සිටිති. ඒ අතර ඔවුන් සොයා ගිය මාවත පියමනින්නෝද බොහෝය. එහෙත් මාතලංට හා ටොක්කාට පමණක් සතුරන් පිරිසක් නිර්මාණය වුයේ කෙසේද? ඇත්තෙන්ම ඒ මාතලං ගේ ටොක්කාගේ සතුරන් ද? නැත්නම් මෙය මාතලං ටොක්කා විනාශ කරමින් ශිෂ්ය ව්යාපාරයේ ආධ්යාත්මය කෙලෙසීමේ ව්යාපාරයේ කොටසක්ද? එසේනම් මාතලං හා ටොක්කා ගේ සතුරෝ කවුද? ඔවුන් මෙසේ කරන්නේ මාතලං ටොක්කා ගැන නොදන්නා නිසාද? නැත්නම් ජීවත්ව නොසිටින සහෝදරවරුන් ඔවුන්ට සිදුකරන බලපෑම කුමක්ද? මාතලං ටොක්කා ජීවත් වු කෙටිකාලය තුල ඔවුන් පෙන්වු මානුෂීයත්වය අමනුෂ්යයන් බිය ගැන්වීමට තරම් ප්රබල වී තිබේ. එමනසා ඔවුන්ගේ ජීවිත ගැන දන්නා දේ ලියා තැබිය යුතු හොදම කාලය මෙය වේ. මෙය නොදන්නා අයට දැන ගැනීමටවත් ඔවුන් විශ්ව කර්මයන් කිරීමටවත් ඔවුන් සුරුවම් කිරීමටවත් නොවේ. මේ ඔවුන් ගේ ජීවිත භාවිතාව උකහා ගැනීම සදහා පමණක් ය. එයින් සතුරන්ට අභියෝගයක් වනවා ඇත. මින් මතු ඔවුන්ගේ ව්යාපෘතියට උඩ හුලගේ පාවෙන කොළ රොඩු වලට කළ නොහැක. අඩුම තරමේ මාතලං ටොක්කාගේ ජීවිත බාවිතාවේ වාටියකට ආවෙක් හෝ ඊට පැමිණිය යුතුය. පාවා දෙන්නෝ බොහෝය. එම නිසාම මාතලං ටොක්කා ගේ ජීවිතය උන්ට වඩා ඉහළින් තිබේන බව ඔවුන්ටම දැක ගත හැකිය.
මාතලං හා ටොක්කා ඇස ගැටුණු, ඔවුන් සමග ජීවත් වු පිරිස බොහෝය. එම පිරිස මාතලං ටොක්කා හදබැදගත්තේ නිකන්ම නොවේ. අප දැක තිබෙන්නේ මිනිසුන් දෙදෙනකු ගැන නොව අසීමාන්තික වටිනාකම් අනාගතයට උරුම කළ මිනිසුන් දෙදෙනෙක් පිළිබඳවය. එමනිසාම ඔවුන් ගැන මානුෂීයත්වය හරණය වු සමාජයට කියා දිය යුතු නොවේද? මේ ඊට හොදම මොහොත ලෙස අප සිතමු. මොකද මේ මාතලං ටොක්කා මරා දැමු මාසයයි. අප ඔවුන් ගැන වැඩුමනක් කතා බහට ලක්වන කාලය තුලදි මාතලං ටොක්කා ගේ ජීවිත පිළිබඳව ඇත්ත කතාව ප්රකාශ කලයුතුය. මේ වනවිටත් සතුරන් වැඩ පටන්ගෙන ඇත. අප බෙහෝ සේ ප්රමාද වුවත් අවසන සත්යය හෙලි කිරීමට වෙහෙසෙමු.එම නිසාම මේ කතාවට ඕනෑම කෙනෙකුට අභියෝග කල හැකිය. එම අභියෝග අපි බාර ගන්නෙමු. මාතලං ටොක්කා නැවත මරා දමනවාට එරෙහිව ඔවුන්ගේ මානුෂීයත්වය මිනිස් ඉතිහාසයට එකතු කරන්නේමු.
No comments:
Post a Comment