සයිටම් ආයතනය සම්බන්ධව ආණ්ඩුවේ ක්රියාමාර්ග මෙන්ම ඊට එරෙහිව ශිෂ්ය ව්යාපාරයේ ක්රියාමාර්ග ද අඩු වැඩි වශයෙන් ඉදිරියට පැමිණියේය. ශිෂ්ය ව්යාපාරය 2010 වර්ෂයට ප්රවේෂවුයේම සයිටම් ආයතනය වසා දැමිමේ ආරමුණ සහ ධනපති ආණ්ඩුවට හොද පාඩමක් ඉගැන්වීම සදහාය. මේ සදහා වෛද්ය පීඨ ක්රියාකාරී කමිටුව 2010 පෙබරවාරි පන්තිවර්ජනය ආරම්භ කළේය. එහෙත් එය ක්රියාත්මක වුයේ සියලු දෙනාගේ කැමැත්ත මත නොවේ. ඊට කොළඹ විශ්වවිද්යාලයීය වෛද්ය පීඨය එක් නොවීය. මේ වනවිට අග්නිදිග වෛද්ය පීඨය එක්ව සිටියේ නැත. එසේම රජරට වෛද්ය පීඨය ද ඊට දායක නොවීය. එසේම අනෙක් වෛද්ය පීඨ තුල සිටි ශිෂ්යයින්ගෙන් බොහෝමයක් මෙම ක්රියාමාර්ගයට සම්පුර්ණ ලෙස එකගව නොසිටියේය. එහෙත් රාජපක්ෂ ආණ්ඩුවේ ව්යාපෘතිය පරාජය කිරීම ඊටවඩා ප්රමුඛ විය. ඒ නිසාම 2010 පෙබරවාරි 10 පන්තිවර්ජනය ආරම්භ විය.
මෙම ක්රියාමාර්ග සමග සැබෑ ලෙසම බැදී සිටියේ ශිෂ්ය නායකයින් හා ශිෂ්යයින් පිරිසක් පමණි. එම නිසාම මෙම ක්රියාමාර්ගය කොතෙක් අවශ්ය උවත් ඊට ශිෂ්යයින් ගේ දායකත්වය නොමැතිව ක්රියාත්මක නොවීම පුදුම විය යුතු නැත. මෙහිදි ශිෂ්යයින්ට දහසක් ප්රශ්න තිබිණි. ශිෂ්යයින් ට වු ප්රධනම ප්රශ්නය වන්නේ තම ජීවිතය රැකගත හැකිද යන්නයි. දෙවැන්න ඔවුන්ට සයිටම් කෙසේවෙතත් තමන්ගේ වෛද්ය සිහිනය පුර්ණය කිරීමට හැකිවේදැයි යන්න දෙවන කාරණය විය. තුන්වන කාරණය ඉතා වැදගත් ය. වෛද්ය වරුන් වීමට සිටින ශිෂ්යයින් කෙසේනම් පෝස්ටර් ගසන්නද? ලීෆ්ලට් බෙදන්නද? අට්ටාල ගානේ කෙසේනම් සිටින්නද? මිනිසුන් නෝණ්ඩි දමනවිට ඒවා කෙසේ ඉවසා සිටින්නද? මේයට යම් කැප කිරීමක් අවශ්ය ය. එහෙත් එවා කෙසේ කරන්නද? මේ වෛද්ය ශිෂ්යයින් හරිම ලැජ්ජා සහගත මිනිසුන් ය. එවැනි මිනිසුන්ට මෙවැනි දේ කිරීම නොහොබිනාය. මෙම නිසාම ප්රජාවක් ලෙසම ආණ්ඩුවට එරෙහි අරගලයෙන් කරහැරියේය.
දැන් වරද ශිෂ්ය නායකයින් ගේය. දැන් වරද එකි ව්යාපාරයට නායකත්වය දෙන දේශපාලන පක්ෂයේ බව මොවුන් විටින් විට ප්රකාශ කරන්නට විය. එහි සත්යතාවයක් ද තිබේ. මොකද වෛද්ය ශිෂ්යයින්ට අරගලයට අදාළව ලැබිය යුතු දැනුම අවශ්ය පමණට නොලැබීම පිළිගතහැකි සත්යකි. එහිදි අවධාරණය කළ යුතු කරුණවන්නේ අඩුම තරමින් 82 උතුරු කොළඹ වෛද්ය විද්යාලයට එරෙහි අරගලයේ අද්දැකිම් පවා සාකච්ඡා නොකළේය. එසේම මෙම අරගලයට අවශ්ය බහුජන වටපිටාව නිර්මාණය නොකිරීම ස්යං විවේචනත්මකව දැකිය යුතුය. මේ සියල්ල සම්ප්පුර්ණ වුයේ නම් ශිෂ්යයින් ගේ ප්රතිචාරය මිටවඩා වෙනස්ය. එහෙත් ඒ කිසිත් එසේ නොවි ශිෂ්ය ව්යාපාරය පමණක් හුදකලාව අරගලයේ නිරත විය.
පන්ති වර්ජනය ආරම්භ වනවිටම එහි තිබෙන ශක්තිය පිළිබඳව ආණ්ඩුවට වැටහිමක් තිබිණි. එම නිසාම මෙම ක්රියාමාර්ගය කඩා කප්පල් කිරීමට විශාල පරිශ්රමයක් අවශ්ය නොවීය. S.B මාධ්ය සාකච්ඡා කිහිපයක් ගත්තේය. එහිදි ඔහු මෙම ක්රියාමාර්ගය හෑල්ලු කරමින් කතාකොට ශිෂ්යයින් බංකොලොත් දේශපාලන ව්යාපාරයක උවමනාව මත ක්රියා කරන බව පැවසීය. ඊට සමගාමීව වෛද්ය පීඨවල පීඨාධිපතිවරුන් සහ ආචාර්යවරු කිහිපදෙනෙක් ශිෂ්යයින් ගේ පන්ති තහනම් කරන බව පැවසීය. ඒ සමගම කිහිප දෙනෙක් ලෙච්චර් ගිය අතර පසුව සියල්ලෝම වර්ජනය අත්හලේය.
මේ අතර SB උන්නැහේ වෛද්ය පීඨ වෙනුවට අනෙක් පීඨ වලට දැඩි මර්දයක් ක්රියාත්මක කලේය. මෙම මර්දනය කුමක් සදහාද යන්න තෙරුම් ගත යුතුය. ඒ වෙනකක් නිසා නොවේ. අධ්යාපනය විකිණීමට අවශ්ය ඉඩ සකසා ගැනීම සදහාය. දැන් වෛද්ය පීඨ සියල්ල අකර්මන්ය වී තිබේ. ඒවා නැවත ගොඩනැගීම ලෙහෙසි පහසු කටයුත්තක් නොවේ. ඔවුන්ට ඍජු මර්දනයක් අවශ්ය නොවේ. සක්රියව සිටින අනෙකුත් විශ්වවිද්යාලය නැවත වෛද්ය පීඨ වලට ද පණ පෙවීමට ඉඩ තිබේ. එම නිසා ප්රධාන සටන් කරුවා තැතිකොට දැමිය යුතුය. අන්තරේ පොඩිකර චප්පකර දැමීය යුතුය. එය වෛද්ය පීඨ නිහඩ කරන ආකාරයෙන් කළ හැක්කක් නොවේ. ඊට විශාල බලයක් අවශ්යය. දැන් අමු අමුවේ අධිකරණය කඩේ යැවීමට ආණ්ඩුව කටයුතු කළේය. පොලිසි සියල්ල ඒ සදහා පෙළ හැස්වීය. හිරගෙවල් සුදානම් ය. මත හැදීමට ආචාර්ය මහාචාර්යවරු මිලට ගත්තේය. රූපවහිනි නාලිකාවල ගුවන් කාලය ඕනෑවටත් වඩා වෙන්කර තැබුවේය මැර කණ්ඩායම් සීරුවෙන් තැබීය. රාජ්ය බලය සහ රාජ්ය නොවන මැර බලය අන්තරේට එරෙහිව භාවිතා වන්නට විය. මි පසු සිදුවු කිසිවක් ධනේශ්වර බලහකාරකම් වලට එහා ගිය රජුගේ අණ සකට යටත් වු නියෝග පමණක් විය. කිසිවිටෙක නීති පොත මොවුන්ට අදාළ නොවීය. ඒවා අවශ්ය ධනේෂ්වර බලහාත්කාරකම් වලටය. මෙහිදි අවශ්ය වුයේ පාලකයාගේ නියෝග පමණි. මේ සෑම මර්දන යාන්ත්රණයක් යෝදාගත්තද රාජපක්ෂ සහ රාජපක්ෂ නඩය සෑම විටම අන්තරේට භිය විය. එම නිසාම මර්දනය වර්දනය වුවා මිස අඩු වුවේ නැත. ඔවුන් එකෙක් මර්දනය කීරීමට යන විට තවත් පිරිසක් නිර්මාණය වී නැවත සටනට පැමිණීම සිතාගත නොහැකි කාරණයක් විය. එම නිසම අන්තරේ මර්දනයට ගෝඨාභයගේ ආයුධ ප්රමාණවත් නොවීය. අන්තරේ උද්ඝෝෂණ වල පිරිස අඩු වූ බව සැබෑය. නමුත් ඉතිරි වු පිරිස මර්දනයට භිය වුවෝ නොවිය. එම නිසාම රාජපක්ෂ ආණ්ඩුව මර්දනයට ගත හැකි සෑම උපක්රමයක්ම ගත්තේය. ඒ සියල්ලෙන්ම ආණ්ඩුවට වාසි අත්වුවා මෙන්ම අන්තරේ වටා ඉතා ඉහළ ගුණාත්භායයෙන් යුත් පිරිසක් එක්වීමද සිදුවිය. එමනිසා සටන පැවතියේ සරල වටපිටාවක නොවේ. එහෙත් එකල අන්තරේ වටා සිටි පිරිස යටත්නොවි නිදහස් අධ්යාපනය බේරා ගැනීම සදහා වු අරගලය ඉදිඉදිරි ගෙන ආවේය.
No comments:
Post a Comment