වාමාංශිකයෝ ජාත්යන්තර වාදීයෝය. ඉන් අදහස් වන්නේ සමාජවාදය තනි රටකින් ඔබ්බට ගොස් මුළු ලෝකයම ඒකාබද්ධ කරගන්නා බවයි. වාමාංශිකයින්ට විප්ලවය අතලග යෑයි නිතර සිතුනත් එය ඉබේ සිදුවන්නේ නැත. දෑනට සිදුවු විප්ලව සියල්ල ඉතිහාසයට එක්වි හමාරය. රුසියන්,චීන,කියුබන් විප්ලව නැවත මේ මහ පොළොවේ සිදු නොවනු ඇත. ඒවා රාජ්ය ඒකාධිකාරී ධනවාදය නොහොත් කෙන්සියානු ධනවාදය අතික්රාමනය කිරීමට සමත් වුවද ඉන් නව ලිබරල් ධනවාදය ධනවාදය පැරදවිය නොහැක. මෙම නිසාම විප්ලවය උදෙසා වමේ ව්යාපාරය ආනීවාර්ය හැරවුකට පැමිණිය යුතුය.
මෙම හැරවුම සරලව කළ හැක්කක් නොවේ. එසේම මෙය ජයග්රාහී මාවත ද නොවේ. එය ජයග්රාහී මාවත හෙලි පෙහෙලි කීරීමට ගන්නා ආරම්භයක් පමණි. එය ආන් කිසිවක් නොව ජාත්යන්තරවාදය ක්රියාවට නැගීමයි. ජාත්යන්තර වමේ ව්යාපාර ගොඩ නැගීමට ගන්නා උත්සහයන් නැවත ඒවා කඩා බිද වැටීමටද හේතුවක් විය හෑකිය. ජාතික රාජ්ය තුල කප්පරක් වමේ පක්ෂ තිබුණත් විප්ලවය කිරීමට බැරිනම් ඒවා ධනවාදය රෑකීමට මිස වෙනකකට අවශ්ය නොවේ. එම නිසා වාමාංශික පක්ෂ තම දෙශපාලන ව්යාපාර ජාතික රාජ්යයන්ගෙන් ඔබ්බට ගෙන යා යුතුය.
මාක්ස් පළමු ජාත්යන්තරය ගොඩනැගු වට පිටාවට වඩා පහසුකම් අද ධනවාදය විසින්ම නිර්මාණය කොට දී ආවසන් ය. ඊට අවශ්ය බොහෝ මෙවලම් අප අතරේම පවතින බැවින් ජාතික රාජ්ය තුල පවත්වාගෙන යන දේශපාලනය මදකින් හෝ අඩු නොකොට ඊට ප්රවේෂ විය හැකිය.
ප්රවේෂය මහා පරිමාණ ව්යාපාරයක් විය යුතු යැයි සිතීම ඉතා යහපත් උවත් ලංකාව වැනි රටක පවතින වමේ ව්යාපාරයන්ට එය සැමදා සිතළුවක් පමණක් වනු ඇත. එම නිසා පළමුව ලෝක නිර්ධන පාන්තිකයන් ආමන්ත්රණය කළ හැකි කුඩාම මෙවලමින් මෙම හැරවුමට ගත යුතුය. කප්පරක් වැරදිම් කළ අපට තවත් එක් කුඩා වරදිකින් කලබල වීමට හෝ ඉන් පැකිලීමට හෝ අවශ්ය නැත. කුඩා වරදකින් හෝ ප්රරවේෂයක් ගත හැකිනම් එය විප්ලවය සිදුකරන මොහොත මෙන් වැදගත් වනු ඇත.
දැන් තිබෙන්නේ ලෝක නිර්ධනයින් ආමන්ත්රණය කිරීමයි. ලාංකාවේ අධ්යාපනය විකිණීම, සෞක්ය විකිණිම,විශ්රාම වැටුප කප්පාදුව, ශ්රම කොල්ලය, පරිසර විනාශය,මරදනය අනෙක් රටවලද ඒ ආකාරයෙන්ම සිදුවේ. ඒවා ඕනෑතරම් අන්තර් ජාලය හරහා දැක ගත හැකිය. එහෙත් ඒ කිසිවක් වෙනස් නොවන්නේ ප්රාග්ධනය සංසරණයේදි මුළු ලෝකයම ඒ වටා සංවිධානය කාරන බැවින් ය. අප ආමන්ත්රණය කළ යුත්තේ එසේ නිර්මිත බලයට අභියෝග කළ හැකි වාම බලයක් ගොඩනැගීම සදහාය. එම බලය නැවත පෙරලා ජාතික රාජ්යයන් තුලද වර්ධනය වනු ඇත.
මේ සදහා අවශ්යනම් එම රටවලට යා හැකිනම් හොදය. නැත්නම් සමාජ ජාලා ඔස්සේ හෝ එය ආරම්භ කළ යුතුය. එසේම එය බහුජන ව්යාපාර හෝ තනි පුද්ගලයන් විසින් කිරීමෙන් පලක් නොවනු ඇත. ඊට දේශපාලන පක්ෂයක් අත්යාවශ්ය ය. එසේ නොවෙන්නේ නම් ඉන් ලැබෙන සාධනීය ලක්ෂණ අත්පත් කරගත නොහැකි වනු ඇත. මෙම ක්රියාවලිය සාම්ප්රදායික දේශපාලන පක්ෂව අතික්රමණය කරමින් ඊට නව ගුණයක් අත්පත් වනු නොවනු මානය. එසේම ධනවායට දියවන වමේ පක්ෂ ද මේ හරහා නව ජවයක් ගෙන නැවත විප්ලවයේ දිසානතියට යොමුකරගත හැකිය. එම නිසා විප්ලවය උදෙසා ලෝක වමේ ව්යාපාරයට මෙන්ම ලාංකිය වමේ ව්යාපාරයටද මෙම හැරවූම ආනිවාර්ය වනු ඇත.
No comments:
Post a Comment